هرج مكاوى‎

[عاشقة الرسول]

بعض الأمثال المكاوية القديمة:


*إذا حلقوا لغيرك بُل راسك وأستنا
*إيش عرف الحمير بأكل الزنجبيل
*حاجه ماتهمك وصي عليها جوز أمك
*ست وجاريتين على قلي بيضتين
*إذا تعاندوا الحمير يابخت الركاب
*أعمى ويلضم خرز
*حبيبك يمضغلك الزلط وعدوك يعدلك الغلط
*حمارتك العرجا تغنيك عن سؤال اللئيم
*دلع الكبار زي الشقدف على الحمار
*ياريتني بيضه وعرجه أصلوا البياض فرجهJ
*اللي ماله ام حاله يغم
*كنس بيتك ورشو ماتدري مين يخشو
*مين في حالك يالي في الظلام تغمز
*على قد زيتوا سرجلوا
*الخايبه تتعلق بالحبال الدايبه
*عقربه في الغار ولا ضره في الدار
*الصرمه والقبقاب صاروا اصحاب
*يا داق الموية في المهراس يا مربي وليد الناس
*أكلو ملوخيه وصاروا أفنديه
*يقطع الخل عالخردل على بياع المخلل
*ألف سبه ماتشق توب
*اهل البيت صبروا والمعزين فكروا
*وقت الكباب صكوا الباب وقت الملوخيه أجمعوا الأهليه
*إلا ما يحطك فوق راسه تاج لا تحطه في رجلك شبشب
*حزمة كرات ولا صنيعه نخولي
*مال ماتتعب عليه يروح ما تندم عليه )


معاني الكلمات
*الدقديق:البطانيه
*كرويته:كرسي خشب كبير
*اللنقطه:حلاوه قديمه
*الدقيسي:مكان تحت الدرج
*المرمشه:نهش ما على العظام من بقايا اللحم
*الدردبه:الدحرجه
*اللغوصه:نقل الكلام
*اتلسلس:تباطأ
*تتكصوع:تتمايل في مشيتها
*جاعوره:البكاء بصوت عال
*حسكل:كيس من الجلد يستخدم لحفظ النقود
*حرمصه:دخول مكان ضيق نفسك تشوف إيش جوه


:589:

[مها قزاز]

حلوه ياستي
يجي منك اكتر

[عاشقة الرسول]

يسلمو يا قمر

اسعدني مرورك

[قمر بن هاشم]

مع أني عشت بجدة وهرجتهم قريبة من اهل مكة بس في كلمات غريبة ..

عاشقة الرسول تسلم يدك ..

[عاشقة الرسول]

الله يسلمك يا قمر

تحياتي قمر

[الشريفة الهاشمية]

شكرا عاشقه

هذه الكلمات اسمعها من ست ايمن زوجي
ههههههه
والله اموت من الضحك
لما تطبخ تقول ركبت ملوخيه اليوم
ايش ركبتي انت يعني ايش طبختي
ههههههههههه

مرسي عاشقه

[عاشقة الرسول]

هههههههه

كلام جميل جدا

يسلمو هاشميتنا

اسعدني مرورك

[الشريف السنوسي]

شكرا لكي على الكلام الي

دقة قديمة

[ريانة العووود]

الأمثال المكاوية مافي زيها وكل ما أسمعها أضحك بالذات اذا كان في أحد يقولها بنفس اللهجة وحلوة منك ياعاشقة الرسول وكانت اطلالتك رائعة وأتمنى منك المزيد ولكي جزيل الشكر

[عاشقة الرسول]

اهلا وسهلا فيك يا هاشمي


منورنا اسعدني مرورك


تحياتي

[عاشقة الرسول]

الحلو مرورك يا ريونه


تحياتي

[الباحث]

كلام حلو

بعض الكلمات كنت اسمعها بس ما اعرف معناها

تسلمي على الموضوع اللطيف جدا يا عاشقة الرسول

[عاشقة الرسول]

الله يسلمك ويسعدك يا باحث


اللطيف هو مرورك