:::: اتفضلو يا شباب مو مشكلة وجود الصبايا ::::

[حفيدة المصطفى]

http://www.ss1ss.com/albumsm/100624.gif


في البداية أطلب من معالي الشيخة عاشقة الرسول ان تترك الموضوع هنا لأهميته

ويا أنا يا الموضوع :99:

سانيا : لوجود العنصر الرجالي لدينا هنا قررت أنا حفيدة المصطفى وضع هزا

الطبق ليتسنى لهم صنعه عند الجوووووووووووووع وصوصوة عصافير البطن

سالسا :طبقنا مررررررة سهل وماياخد اكتر من خمسة دقايق

:: المقادير ::

2 كيس اندومي ( على حسب ازا انتى مصروع ولا لأ ) :335:


http://www.shamsqatar.com/up3/get-10-2008-vtvy9jy5.jpg


موية

قدر صغير ولا كفتيرا

ملعقة للتقليب

:: طريقة العمل ::

جيب القدر حط في الموية حطو على النار خلي الموية تغلي فك الاندومي كبو في

القدر سيبو دقيقتين وقلب الين ما يستوي وتقل الموية فيه


http://up.sea-khlij.com/uploads/images/sea-khlij-605a4add56.jpg


جيب صحن وفضي في البهارات الموجودة في الكيس بعدين حط الاندومي واعصر

عليها نص ليمونة وقلب وحط ازا تبغى كتشب اسود وكلها بالصحة والعافية


http://www.d8b.net/funny/data/media/5/a_gsm_123.jpg


خلااااااص انتهت الأكلة

يالله مع السلامة

:335:

[ميشو]

الحمد لله على السلامة
راح فكري لبعيد !!!
ههههههههههههههههههههه
اما طبق الاندومي شئ خيال , الله يعطيك العافية عليه حاسة بهموم التماسيح
عاد تصدقي , ماعمري اكلت هذا الاندومي بالرغم اني احرص اني اشتريه للاولاد , ولا تنسي ميري كمان ,,, بابا فين اندومي ؟
خخخخخخخخخخ
تحياتي ...

[حفيدة المصطفى]

اهلين ميشو أكيد طبعا نحن الفتيات نحس بالتماسيح :353: غثى ولازم منو :335:

وبعدين فين راح فكرك ها ؟ :332:

وكيف تقول خيال وانتى ما عمرك اكلته !!!

هو في أحد في الحياة ما حط

اندومي بتمه ؟ ولك شو هاد قول غير هيك حكي يا زلمة شكلك منتى من سكان

الارض !!!

:335:

[عاشقة الرسول]

المفروض الموضوع مو في قسم المطبخ :252:

كيف اخلي هنا :332:

وبعدين ايش قصدك احنا ما ناكل بس الشباب :104:

هيا اشوف الشباب ياكله من غير ما يقوله اتفضلو يا صبايا:603:

[الحسن بن هاشم]

تسلمي ياحفيده , بس القدر خيالي , أنا ماليه في الأندومي بالعافيه على قلوبكم .

[حفيدة المصطفى]

عاشقة حبيبتي امممم :336: اشوفك غرتي منهم :105: :551: يختي انتو ستات بيت

يعني الاندومي دا عندكم ولااااااااااااااااا شي جنب الحاجات الحلوة اللي بتطلع من

تحت يدكم

أما هما المساااااااكين يدوبك عليهم البيض المطجن والمسلوق فحبيت يغيرو شوية

في المنيو فعشان كدة جبتلهم دا الطبق وحطيتو هنا لأنهم بطبيعة الحال محى يفكرو

يجرأو ويدخلو المركب عندنا لأنز قسم ستاتي ويبغالو فضوة وهم يا عيني جايين

من شغلهم تعبانيين وقرفانين يدوب عليهم يسوو طبق خفيف ولا اش رايك ؟...

[حفيدة المصطفى]

الله يسلمك الحسن انا حطيت القدر دا لانو غالبا الشباب ما بيكون عندهم قدور

فبما انو الكفتيرا وجودها لابد منو في اي بيت قلت تخلوها اتنين في واحد ! تغلو فيها

الموية وتسوو بيها الشاهي و تطبخو فيها الاندومي صح ولا مش صح ؟ :335:

بعدين الندومي مالو طريقة وحدة ممكن تضيف لو الجمبري بعد ما تسلقو ممكن

تضيف لو الخضروات بعد ما تقطعها طولي ازا تحب ترى شغلة هنية عل اقل

ارحم من اكل الشارع اللي بلى الناس ولا ايه رايك ...

الله يعافيك شكرا

[الشريفة الهاشمية]

سوري حفيده لكل مقام مقال

ما تزعليش يختي

وعشان كمان الشباب يشرفوا قسم المطبخ ايش فيها

وهذا داعم ليهم عشان يدخلوا

وبعدين اية اكله للشباب حنحطها هنا عشانهم لا طبعا

ههههههه عارفه عملت من الحبه قبه ومحاضره

تحياتي للجميع

[حفيدة المصطفى]

اهلا يا ستي هاشمية يعني تبغيهم يدخلو المركب ويقعدو يدعبسو في ويدورو على

اكلات تناسبهم !! قولي محى يسووو شي الا ازا سبتنالهم موضوع في المركب

وقلنا في طال عمرك اكلات العزابية طريقك الى الابداعية :335: ( معليش لزوم

القافية ) ولا اش تشوفي

هيا جبتلك يختي شي يزيد من عدد مواضيعك افرحي وزأططي :325:

وبعدين اش فيها لو حطينالهم هنا في دا القسم ؟ خليهم عشان يحسو اننا نهتم بيهم

وبصحتهم ولا تخافي ياستي لحى نكشن ولا نعبك بريحة كل الاكلات حتكون ارمي

دا على دا يطلع دااااااااااا :335: وطبطب وليس يطلع كوي ي ي ي ي يس

[عاشقة الرسول]

الف هنا وعافية عليهم

أكيد راح يشترو من المطعم ولا راح يدخله المطبخ

[الشريفة الهاشمية]

الف هنا وعافية عليهم

أكيد راح يشترو من المطعم ولا راح يدخله المطبخ

لا يا ستي عاشقه في كثير من الشباب يدخلوا المطبخ

ويسوا اكل اطعم من اكل الحريم هههههههههه الكسالى

وعارفه كمان يشوفوا فتافيت عشان يتعلموا
ههههههههههه

عشان لما يتزوجوا ومراتاتهم ما يعرفوا يطبخوا يصيروا يطبخوا بدالهم
ههههههه
في رجال يسوا السليق احسن من حرميهم

هههههههههه
وتحياتي

[مها قزاز]

خليهم يستاهلو حلال فيهمhttp://www.ebnmasr.net/forum/images/smiles/new/blowup.gif

[عاشقة الرسول]

صح لسانك يا هاشميتنا وانا اشهد

[عاشقة الرسول]

هههههههههه لالا الله يسعدك

[حفيدة المصطفى]

الشــــــــــاورما

http://www.alarab.co.il/pics/1/shawarmain.jpg


المقاديــــــــر

صحن صدور دجاج مخلي من العظم ( تلاقوه عند الجزار في السوبر ماركت طازج

او مفرزن في الفريزرات واحسن شي رضوى )

- علبة لبن زبادي

- ثوم مفروم ناعم تلاقوه كمان جاهز في علب في قسم الخضروات في

السوبرماركتات

- قرفة مطحونة ناعم - هيل كمان مطحون ناعم - كزبرة ناشفة مطحونة

- فلفل أسود مطحون - ملح - هرد

- عصير ليمونة

- مسترد أو خردل

- كيس بطاطس اصابع مفرزنة جاهزة للقلي

- طرشي خيار

- شوية خس مفروم ناعم

- صوص ثوم من أي مطعم

الطريقة

- نغسل الدجاج بالملح والليمون والخل بالموية الحارة .

- نقطعو شرايح طويلة مو مرة رفيعة .

- نرجع نشطفو كمان مرة ونصفي من الموية .

- نحطو في زبدية ونضيف عليه اللبن الزبادي والثوم والقرفة والهيل والملح

والكزبرة وعصير الليمونة والمسترد والهرد ونقللللللللللللللب مزبوط ونغطي ونحطو

في الثلاجة ساعة زمان وازا تحبو حطو في الفريزر لوقت ما تبغو تسوو ما يجرى

شي .

- نجيب طاوة كبيرة ونحط فيها شوية زيت .

- نحط الدجاج في الطاوة ونبدا نقلب فيه الين ما يستوي وينشف من مويتو .

- نجيب قرص العيش ندهنو بصوص الثوم ونحط شوية خس والدجاج وكم حبة

بطاطس وحبتين طرشي وشوية شطة ( وكل واحد ورغبتو ) وخلاص نقفل

الساندويشة ونحطها في صينية وندخلها الفرن تتقمر شوية بعدين نخرجها ونحطها في

الصحن استعدادا للهجوووووووووم

وهني وعااااااااااااافية

[عاشقة الرسول]

يمي يمي اللى راح يعملها يرسل ليا معا

:553: