|
قال إيه ....... حقوق المرأة ...... قال !!!!!!
|
اول شي الله يديك العافية :566:
طيب ممكن أدلي بدلوي :139: اقتباس:
ومستعدة أملي الصفحة بيها بس رحمة بيكم واحساسي بكم وانتم بتعانوا الأمرين من طول القراية وبطء تحميل الصفحة وووووالخ خلوني اتنازل عن حقوقي !!:105: اقتباس:
يا اخويا العملية تكاملية:139: مو عيب لو سوينا هادي الحركات وسويتوا يا رجال حركات تليق بيكم كرجال من اصدار رخص للمحلات الرجالية والحلاقين والفول والطعمية ووووو الخ:139: والله لمن نسفلت الشارع اللي فيلو ام ابتسام(المرأة) برضو مو عيب اكمننا حريم ونحس ونسمع ممعاناة حريم تانيين في مخططاتهم وشوراعهم ومشاريعهم الخاصة من محلات وفاشيونات وكوفيرا ووووو.....اهه ايدي على ايدك وهنعمل حاقات وحاقات:159: اقتباس:
وطبيعي جدا كمان وبعدين تبغى تبينلي انك لو كنت مسؤول والليلة فرح اختك او اخوك يعني ماراح تروح للحلاق ولا راح تتروش يعني ولا كيف ؟؟؟ ماني فاهمة !!:116: معروف مين اللي ياخد الطلعة في مناسبات زي كدا عند الرجالي يا فيدرالي هيا لا تقاوح :105: اقتباس:
يعني هادي اللي حارقتلك دمك ؟؟؟ طيب مو مشكلة انا لو مسلا شفتك في آخر الطابور اخليك تقدم عني مافيها شي:139: <<دا من سابع المستحيلات طبعا:105: عموما يا فيدرالي هادي مالها شغل بالحقوق ومالحقوق هادي كلها أمور ترجع للزوووووق والزووووقيات العامة:139: ويتهيألي كدا كلك زوق هل انت شايف انها حلوة لمن الحرمة تستنى ورا .. والمجنتلين من الرجال واقفين قدامها امم وعشائر ولو انو شايفة انو برضو من اهم الحقوق انهم عند كل صراف يحطوا صراف تاني يكتبوا فوقو يافطة تقول : ((للنساء فقط )):105: ولا لو كان فيها مسؤل صرف يجيبو معاه من اليمين مسؤولة صرف:105: ولو في طيارة رجال ... يحطوا جمبها طيارة حريم !! هههههههههههههههههه اقتباس:
مو ناقص غير انو اهلي يزوجوني على واحد انا اللي اصرف عليه من فلوسي هه! وبعدين مو مشكلتنا لمن الرجال السبع الغضنفر دا ما يهتم بشكلو ولا بمنظرو دا شي يخصو بس تعال شوف لو ست البيت اخد البيت كل وقتها ومسؤولياتها قايمة بيها على الوجه اللي هيا تقدر عليه بكل طاقتها تعال شوف لو دخل زوجها ايش يقول عليها وعلى شكلها تقول هيا ناقصة !!! في الوقت اللي هوا تشم ريحة دخانو من على بعد مية متر وتكحكح ويجيلك العصبي ولا هوا حاسس بالله تبغى من واحد زي هادا يقوللي شكلي وما شكلي وفيني ويخطين ومدري ايشكلو دخيلك اهتم بنفسك اول بعيدن تعال حاسبني على شكلي <<<<وفقلبها كلاااام كتير بس ربنا ستار يا فدرالي هادي مالك شغل بيها هادي حقوقنا من ربنا :105: ولا كمان تبغى تطالعلنا فهادي وياريتهم يأدوها على أكمل وجه الا يطلعوها من نفس مهي مصفوطة .. ونق ,,ولاء وعلى مضض ومدري ايشكلو:339: والكلام كتيير في دي النقطة !! اممممممم ليا تعليقااااات كتييييييييييييييير:116: بس صبرك عليا شوية اروح اشرب موية ابل بيها ريقي وحتة شوكلاطة من مصنعي واندر اللي فقلبي <<<راجعة يا ويلكم !! |
:334: موضوع جيد
|
والله يا جماعه مختصر الكلام ما اخذ عن خير الانام حبيبنا السيد العدنان محمد صلى الله عليه وسلم (من حفظت بيتها واطاعت زوجها دخلت الجنه)
اذا لا حاجه للعمل للمرأة -لا حاجه لخروجها الا للضروره -.........الخ ما دمت تريدين الجنه انظري الى حقوقكي من ناحيه شرعيه فقط وليس من ناحية امريكا واسرائيل وشعارات المساواة الخادعة والخبيثه |
اقتباس:
الله يخارجنا منك يا شوكولاطة هانم بس لما أقبض عليكي متلبسة |
اقتباس:
مرسي يا مشاغب |
اقتباس:
الله الله الله كلام ينقط درر تسلم يا ويسم 1981 |
امممممممممم
مدري مين رفع صوت التلفزيون علآخر :116: ماعلينا نرجع لمحور حديسنا:135: انت اتفضلت يا سيدو فيدرالي بالناحية النفسية وكان مما صدر في مزكرتك أعلاه الآتي اقتباس:
أول لا يكون وفي السعودية بالزات كما سبق ان نبهت هل هذا المطلب ( وهو مجرد مطلب لا أكتر ولا اقل ) هل هو متحقق ولو بعد عشر سنوات من الزواج ؟؟!! ولا تقوللي مشاغل ومسؤوليات لأنو الحرمة كمان وراها مشاغل ومسؤليات تحتاج لطاقة اكبر وانا هنا ماراح أعددها عشان لا احرجكم:105: ورغم دا كلو لو الرجل قصر في هادا الجانب بتتغاضى ساعات وبتطنش ايام وتتزكر العشرة كل اللحظات:107: مو بس هادا الجانب لاء ... جوانب كتير بس ربك ستار:105: لكن الحرمة لو قصرت في جانب واحد بس من مسؤولياتها لا بل بنص جانب تعال شوف القيامة اللي تقوم عليها خصوصا دا الجانب الا وهو الجانب الرومانسي والجمالي ومش عارفة ايش ويقعد يهددها بالحرمة التانية وحرمانها من الميراث ومدري ايش ياعمي اجري تلاقيه حتى كلمتين حلوة ما يعرف يقولها أو بالأصح مستكترها على ضعيفة الله اللي بتكرف وتطبخ وتنفخ كلو علشان حبيب القلب اللي مفتاح قلبو معدتو:105: ههههههههههه وبعدين شوف قد ايش المرأة تمر بآلام في الحياة وجروح ومصاعب بالرغم من كدا تلاقي قلبها طيب واللي في قلبها على طول على لسانها وما تبغى احد يقول كلمة على ابو العيال:107: لكن الرجال لو اتجرح جرح صغير .. خدش ليس الا يفور ويتور تقول شيطان (بسلامة السامعين ) وكل الكلام الوحش يطلعو والجلافة يا لطيف ماتفارقو ليل على نهار ودايما يكش التراب ويعمل من البحر طحينة وتقوللي رومانسي؟؟؟ ياعمي اجري تلاقيه حتى ما يعرف ايش يعني مصطلح الرومانسية دي:139: لاحظ الين دحين انا بس باتكلم عن السعودية !!! يعني ابسط حقوق المرأة بالاحترام والتقدير ورفع المعنويات والتشجيع ليس الا ... مهدور يا سيدو فيدرالي :107: وبعدين حتى وانت بتضرب مسل بنانسي شوف قد ايش سارت عيون بعض ناس زايغة عالجمال الزائف في الوقت اللي لو الحرمة طالعت لعمر الشريف او لحسين فهمي( وهما شياب ) نظرة تقدير فقط .. راح ينقال فيها لستة كلام قد الكرفتا:105: :139: لاتقاوحني يا سيدو فيدرالي لا تقاوحني:105: مافي فايدة راجعة راجعة بس صبركم عليا :105: |
ياريت علبال ما ارجع
لمن تبغوا تفتحوا الراديو توطوا الصوت على الاخر لو تكرمتوا وتفضلتوا وشكرا :564: |
الله يهد إبليسك
بعد دا كلو لكي رجعة الله يخارجنا منك يا شوكولاطة هانم |
لا تعليق :564:
|
احم احم
حبمبا جااااااتكم نياهاهاهاهاهاههاهاهاهاهاهاهاهاه احم احم نرجع لمحور حديسنا يا جماعة الخير اقتباس:
أحب أنوه انو القصة فيها إن ... ولا منتو ملاحظين يا جماعة الخير :116: !! ماعلينا فدرالي هادي الحاجات انت ايش فهمك فيها أصلا ولا مؤاخزة يعني:135: في حاجات يا فدرالي في المطبخ هاااه وفكل مكان تعتبر أساسية لو ما اتوجدت مستحيل تتم الطبخة:139: يعني يريتك لمن جيت تضرب مسال على الأقل مسلا تضرب مسال بفاكهة .. بنعناعة ... بجبنة ... بزمقمق محشي ... مو بصلصة :105: عارف الصلصة اللي انت شايف انو مو كارسة لو خلصت ... ما نقدر نسوي بدونها ولا طبخة طعمة :139: طيب ما علينا يا ناس الطبيخ والنفيخ وربي يبغالها قوة والست تراها ضعيفة من ضلع اعوج لوووووووووووووووووول لا تستهونوا بكلمة طبيخ يا ناااااس:339: طبيخ يعني اجراء تفاعل كيميائي لأنتاج مواد جديدة تختلف في صفاتها عن صفات المواد الأصلية المتفاعلة:139: ويحتاج لعامل حافز يا نااااااس يعني المزاج والنفس الرايق هوا اللي يخلي الطبخة طعمة تخيلوا الآدمية ضعيفة الله هادي مزاجها مورايق وربي راح تندموا انكم اكلتوا الطبخة حقتها :107: وتقولوا ياريتنا ما عكننا عليها مزاجها:339: ولكني اجد ان معظم ستات البيوت تكافح وتناضل رغم كل ما يجابهها من هدر كرامات وعدم مبالاة ولا شعور:159: <<<< عجيب يا لغة !! وفوق كل هازا:139: فإنها تتطبخ بدون مطبخ( مطبخ = معمل أو بيئة مناسبة لنمو التفاعل ):139: لدرجة اني اعرف وحد تطبخ من غير قدور تخيلوا بس كيف:339: كل دا علشان ابو العيال:339: يا قلبي عليهاااااا:339: ورغم دا كلوووو هدول اللي ما يملي عينهم شي ايش يقولوا :338: ... أمي طبخها طعم ... والله يزكر مرات عمي بالخير نفسها عالأكل حلووو ... وهيا مشحونة وتحتفظ بتوازنها من هول الكلام مرة ومن تعب الطبيخ مرة .. ومن الإحساس بالإحباط عشرين مرة !!!!:339: ايت حقوق يا اهل الحقوق قال نفسيا قال وبعدين عنو ما اكل ماراح يسير في الدنيا شي:105: لكن لو مسلا ما اتسددت فاتورة الجوال هنا انا اشوف الكارسة بزاتها:105: افرضوا احد من اهلها سارلو شي وهيا برات البيت ايش يسووا فساعتها !!!! اقوللكم ابغى اروح بيتنا بعدين ارجع ورايا مسؤوليات راح اتحاسب عليها !!!!:564: توصوني على شي لا سمح الله؟؟؟ |
اقتباس:
إيوا يختي أوصيكي إنك ترحمي شباب آدم من لسانك لحسن هلكتينا ما كان له من موضوع وانطرح زي إللي ما صدق الله يخارج زوجك منك يشيخة مع تحياتي F B I |
كل الي حقولو انو الاسلام مكرمنا ومعطينا حقوقنا بالكامل سواء للمراة او الرجل
بس احنا ضيعنا حقوقنا بنفسنا لمن ضيعنا ديننا ومامشيا علي صح |
موضوع جيد فد يسلمو
|
اقتباس:
لولو تسلمي على مرورك الرائع وردك الأروع مع تحياتي F B I |
اقتباس:
ويسلمو على مرورك الرائع يا عشوقة مع تحياتي فد |
رهيبة انتي والله يا شوكلاته
انتي تنفعي تكوني رئيستنا بالمطالبه في حقوق المرأه المفروض الاخ فيدرالي ينتحر بعد كل الى قلتيه هما كذا الرجال مايبالهم غير العين الحمرا ههههههههههههه خخخخخخخخخخخ |
اقتباس:
ولا أثر فيا ولا حرك فيا شعرة بل بالعكس أستمتعت جدا من كلام شوكو هانم لأنو يحكي عن واقع ( في بعض الكلمات ) وتسلمي يا سحابة طيف على مرورك الرائع مع تحياتي الفدرالي |
| الساعة الآن 05:00 AM. |
Powered by vBulletin® Version 3.8.1
Copyright ©2000 - 2025, Jelsoft Enterprises Ltd