قاموس حجازي عربي‎
 

هذا الكلام الحلو

شكرا على القاموس الحلو

العفو
وإنشاء الله ينال إعجابك

ههههههه العفو الله يعطيكي القوة والعافية

بس كيف لو سمعت الباقي؟

لغتنا الجميلة فيها ما لذ وطاب
شكرا للموضوع الحلو

اش دا والله هرجنا حلو زي العسل وغطى على لوحتك البرتكانية وه يا عاشق الله يشوفلك ما لقيت غير دا اللون ؟ اصحك تزعل مني العتب من المحبة اللون قوي وجبلي الصمرقع ونساني الاتيكيت في الهرج (: وبعدين تعال هنا اشبك مصرفد على عمرك وراميلنا كم كلمة ندر اللي عندك بلا بخل وخلينا نستمتع بتراسنا وهرجنا القديم ولا ازهملك هاشميتنا تسحب منك الوسام هيا قوامن لا تتاخرمستنيين كم هرجة بلون تاني وحبزا يكون بمبة

:335: :335: :335:

العفو

انشاء الله حفيدة المصطفي

كلمات مكاوية
 

	الكلمة ومعناها	الكلمة ومعناها	الكلمة ومعناها
قوام = بسرعة حُقْ = علبه بلكن = يمكن أقيس = أظن دحين = الآن .. الديقيسي = غرفة في السطح مصرفدة = مستعجلة دولا أو دُولْ = هؤلاء أو هم أمزع رقبتك = سبه أمي تقولنا هيا داير مدار أو داير مايدور = حولين الشيء دغري = على طول امصع أدنك = يعني أجرها مخمج = معفن جغمه = تقريبا شفطه أو رشفه من الشراب وي = للتعجب عزل المدحديرة = النزلة ناولني = أعطيني ازهميلي = نادي لي زنبيل = الكيس منضره = نظاره يواد = ياولد الصمرقع = الجنان مكارونه = معكرونه اترينو = زي غصبنوا وخرلو = ابتعد عنه سجره = شجرة اشبك = ماذا بك سكر المحل = قفل معلقه = ملعقة ؟ سيبوا = اتركوه بسط >المحل = فتح أندر = اخرج أفرشك فرش = أضربك ضرب خوتني = طفشني جبلي الصداع افتر = اهجد علين = ألين أو إلى زي الرصد = تقيل مرره توايق = تطالع عساك بالطافوح = سبه يعني عساك بالسم للي يأكل كثير		يحقلو = يحق له زهمني = ناداني حلنّي أو استنيني = يعني موت ياحمار تليك = مداس لطشتوه = ضربتوا ... مقرحف = ناشف زي لما تقول العيش زي وجهك مقرحف صرمه = جزمه اتلبخت = انشغلت أو أنزعج طراحه = ليانه = فرشة = فراش اتشعبط = أتسلق متاقه = أخت مجاغه = واحد دمه ثقيل إسمنّو = على الأقل شبطة = لصقة في قلب العدو = تقال عند ذكر أمر سيء بوز = فم خِف = أستعجل السنطران = السنترال دلكي النحاس = غسلي الصحون أهبط = اقعد عاقل اتاري = لها معنيين الأول كمبيوتر والتاني لما يقولك آآآآآه اتاري الهرجه كداااااا حُق المناديل = علبة المناديل أهجد = اقعد عاقل الدويان = الأدوية بحلقت = فتحت عيني بقوة باينلو = باين عليه والله عال = عجيب خمشتوا = قرصتوا _لميتوا زي عبرة الكوك = زي الملوينا طالع نازل تكرونيه بيضه = لمن البزره تقعد تكلج في الهرجه يقولولها تكرونيه بيضه صُكّر = سكر قر = اهجد >	الحمبتري = بنت عم طرحرح يعني الحمه اتقيت = لقيت استاته = الأخت الكبرى رجه = صقعه بكرج = براد الحليب سيدى = الأخ الأكبر غيرت حجر الساعة = يعني غيرت بطارية الساعة متصربع = مستعجل مرعته (بتشديد الراء) = يعني زادت أمه في دلعه الطفل لمن حاله يزيد أمه سقرقه=أشربي ما صفطناكم = ما شبعنا منكم الصحية = المستشفى حزر فزر = يعني توقع شطيطة = تصغير شطه أترنو = عشان كده كنترة = جزمة طرحرح = مثلا أحد يقول جبت لي الطرحرح يعني فارقي = انقلعي_ روحي كدش = الشعر الكثيف المخربط مخدة = وساده أقيد الرقم = اسجله ما بلعتو من زور = ما عجبني جلاله = سجادة الهجاج = الجنان هوري = الكرسي الصغير بطران = ما يحمد ربه يبكشوا = يمزحوا المبيت = غرفة في السطوح عازه = حاجه محل.. بكسر الحاء = غرفة المعيشة

امثلة مكاوية :


ستي وجارتين على قلي بيضتين

شكرا عاشق الله يسعدك

ههههههه
شاطر عاشق سمعت والله كلام حفيده

تسلم الله يسعدك

سيدي عاشق روح يا شيخ الله يلون حياتك بالبمبة مجمل و كتر خيرك على الامسال والهروجات اللي فيها كمان من هرج المداينة

بعد ازنك اضيف كم حاجة من عندي من زمن اول لما كانو يخوفو بزورتهم ازا ما سمعو الكلام :

- كانو يقولولهم : دحين يجيكم الغول او الغولة وطبعا هيا شخصية في الخيال استخدموها للتخويف :335:

- كمان كانو يقولولهم دحين يجيكم اللي وجهو من قدام واسنانو من عضام :335:

- كمان كانو يقولولهم دحين تجيكم رحمة ربي ، طبعا هما ما يعرفو اش هيا فيترعبو ويتصمرو في مكانهم زي الالف


طبعا زي ما قلت داك كان في زمن اول يعني بزورة دحين ما ينفع معاها دا الشي على ما اعتقد :335:

شكرا لكم وسامحوني على البربرة الكتيرة

العفو

وانا ازيدك كمان كانوا يخوفونا ((بالبعبع))

يا الله يا عاشق قديمة دي مرة آخر مرة سمعتها عام 1 هـ
في كمان أم العباية على قول لالا
:396:
والله دحين تقول بعبع تقول جني ما عليهم يسوو اللي في راسهم مدري ليش بزورة دحين مو زي اول !!
هوا في شي في الجو يخليهم كدة ولا ايش منتى داري !!
شي عجيب والله

انا متى قلت ام العباية؟اش في تتبلي عليا هاا؟؟

حلوة كتييير
اكيد بنستفاد منها
يسلمووو