|
هل ينفع العلم بدون سياسة؟؟؟
الجو اليومين دي برد واحنا جالسين مسويين السحلب واشياء البرد والازم منو تزكرت جدتي الله يرحمها كانت كل ماتشوف شي مايعجبها على طول تديك مثل ولا بيت شعر ولاحكاية من حكاويها الحلوة وخطرت في بالي حكاية احيان اعتبرها خط من الخطوط الي رسمت بيها حياتي وقلت خليني احكيلكم هيا
طيب كان يامكان في قديم الزمان شاب من طلاب العلم طموح يتعلم على يد شيخ كبير فاضل اخد عن شيخة الشي الكثير من علوم الفقه و الحديث و..............وبعد فترة طويلة قال الشيخ لتلميذة : انت اليوم كملت علوم الدين كلها اليوم ننام وبكرة لنا كلام تاني والله في الفجر صلى الشيخ والطالب وإذا بالطالب يودع شيخه ويخبره انه نوى الرحيل والتجول في بلاد الله يعلم الناس العلم الي تعلمة قال الشيخ : لا استنى في شي لسة ماعلمتك هوا قال الطالب : ايش باقي اتعلمت الحديث وعلومه والقرءان و.......... هوا في اكثر من كدة قال الشيخ : ايوه السياية لسه ما أتعلمتها والله الطالب ماصغى لكلام شيخة واعتبرها شي مهو ضروري واصر على الرحيل ومشي ومشي حتى ادركه اليل في قرية نائية صغيرة فيها مسجد قديم صغير دخل المسجد وبعد شويه حان وقت العشاء وكان شايف كل مصلي داخل المسجد شايل معاه سكينة وقفة وفار استغرب واتعجب من الحركة هادي وقامت الصلاة طبعا عمنا كان في الصف الأول ورى الأمام على طول بدأ الأمام في الصلاة وبعد بسم الله الرحمن الرحيم بدأت الأخطاء في قراءته للفاتحة والله طالبنا النجيب اخذته الغيرة على الدين وعلىالصلاة الي مليانه اخطاء وما كان منه الأ أنه سحب الإمام من توبه ورجعه الى الخلف وتقدم هو مكان الأمام وكمل الصلاة والله ابدع ايش صوت جميل وقراءة ممتازة وصلاة مظبطة وخشوع وسور من القرأن جديدة على اهل القرية ماكانوا يعرفوا إلا الإخلاص والمعوذات وكم سورة صغيرة والله بعد الصلاة التف اهل القرية حولين هادا الغريب متعجبين ومعجبين انت مين والله صوتك حلو والله الصلاة وراك لها طعم تاني ومن دا الكلام وسألهم:- ايش حكاية القفة والسكينة والفار اللي شايلينها معاكم في الصلاة؟؟؟ قالو :- ان امامهم القديم قالهم لا تجوز الصلاة ولا تصح الا بالاشياء هادي وجابو الكتاب اللي كان بيعلمهم منو الامام القديم فوجد انه كمان مايعرف يقرى صح لأنها مكتوبة (( لا تصح الصلاة الا بوقفة وسكينة "بفتح السين وكسر الكاف" ووقار ) وطلبو منه أن يبقى معاهم يعلمهم وعينوا أمام بدل أمامهم وشيخهم وقاضيه القديم وما عاد احد يهتم بالأمام القديم ولعاد له ذكر عمنا اكل الجو عليه عدنا وبقينا في امام القرية والله اكلت الغيرة قلبه والشيطان كبر له الموضوع وقال : يعني لو جا بيني وبينه وقالي ان عندي اخطاء وعلمني كنت قدمته للناس على انه شيخ كبير دعوته عشان يعلم اهل القرية وكنت وقفت جمبه وساعدته وحافظت على كرامتي قدام الناس لكن لازم ارد الصفعة صفعتين وفكر ودبر واشاع بين الناس ان الضيف الجديد يبغاهم يجتمعوا في المسجد قبل الفجر عشان في موضوع مهم طبعا الكل جا يجري وجدوا الأمام القديم يستناهم ايش فيه فين ضيفنا ؟ قال :والله انا عندي سر كنت مخبيه عليكم بس لازم اقلكم هوا !! عارفين من الضيف هادا ( وطبعا في البدايه قلنا قرية نائية يعمها الجهل حتى امامهم وقاضيهم مايعرف يقرى الفاتحه ) هدا سيدنا الخضر وراح يختفي بعد صلاة الفجر وما تشوفو تاني اهل القرية : طيب ايش الحل قال الشيخ القديم :- الحل انكم اول ما يسلم من الصلاة الشاطر الي ياخد شعرة من دقنه ترى تحل علية البركة وعلى بيته وعياله طول عمره طبعا ناس مليان مخهم خرافات صدقوة على طول وبعد الصلاة انقضوا على عمنا وهاتك يانتف وطاح في الأرض وأتبهدل اخر بهدلة صرخ استنجد المهم خلصه الأمام من يدينهم ورجع لأستاذة وحكالة الى صار ساعتها قالة شوفت ماقلت لك لسة ما أتعلمت السياسة طيب ياحبايب حنسوي زي درس المطالعة : ايش استفدنا من القصة ؟ هيا ابغ اشوف ردكم على حكايت جدتي اتفاعلوا معاية ولا تكسفوني |
حكايه جميله واعتقد ان هذا الشيخ لا يملك سياسه بقدر ما يملك من الدهاء
والمكر والحيله المهم لا احد يستطيع ان ينكر الجانب السياسي في الحيا واهميته ولا احد ينكر ان كثير من المشاكل و المسائل لا تحل الا بالسياسه المهم ان نفرق بين السياسه والشخص السياسي وبين المكر والخبث |
اولا شكرا يا بنت جبل النور
والله يرحم جدتك وامواتنا وامواتكم واموات المسلمين اجمعين ويرحمنا احنا كمان حيين ومييتين تاني شيء قصتك جدا جميله ومفيده وفيها من العبر الشيء الكثير ومنها انا اتعلمت ان السياسه مهمه في كل حاجه في العلم والطبيخ والجواز وكل حاكه:335: |
الله يرحم اموتنا واموات المسلمين انا مره مكسوفه هههههههههههههه
|
اقتباس:
|
اقتباس:
العفو ياسيدي على المرور على الموضوع واللهم امين الله يرحم موتانا وموتى المسلمين واهم شي انك اتعلمت السياسة في كل حاكة :552: ومشكور ياسيدي |
اقتباس:
ياستي عموما شكرا على مرورك على الموضوع :586: هادي هدية عشان لا عاد تنكسفي بعد كدة:589: |
بنت جبل النور
قصة رائعة واسلوب ممتع استفدت من الحكاية لابد لنا ان نتعلم كل شيئ في الحياة من صغيرها لكبيرها وان نستفيد من حكايات الكبار في السن وان نتعلم منهم وناخذ الحكمة من افواه ذي الخبرة تحياتي لك اختي الفاضلة |
اقتباس:
شااااااطرة بنتي :577: هيا خدي الكتاب حق حكايات جدتي واقري فيه واستفيدي :600: ياستي مشكورة على مرورك على الموضوع |
الا خت بنت جبل النور انا لم اقصد ان هناك فرق بين السياسه والرجل السياسي فانا عندما تحدثت اعتبرت ان السياسه والرجل السياسي طرف والمكر والخبث طرف اخر
والحقيقه انا رايت ان ما قام به الشيخ ليس الا مكر وحيله وليس سياسه وهذا في النهاية راي وشكرا لكي |
| الساعة الآن 06:34 AM. |
Powered by vBulletin® Version 3.8.1
Copyright ©2000 - 2025, Jelsoft Enterprises Ltd