منتدى قزاز العام - أدخلو وشوفو اش عندي

http://www.vip70.com/smiles/data/f50.gif

أهلا وسهلا يا مرحبا

حبيت اليوم أشرفكم في المركب واقدملكم هادي الطبخة فبما إنو الكل يحب الحلى

والشوكلاطات ودي الخرابيط حتكون أكلتنا

شيز كيك السنكرز

هيا أكتبو عندكم المقاديرولا احفضوها زي ما تبغو

....
..

بسكوت دجستف Digestive ( بسكوت نخاله ) .

2 ظرف دريم ويب .
زبدة

نصف كوب حليب ـ و ربع كوب حليب

علبتين قشطة .

8 قطع جبن كيري .

ليمونه .

6 حبات سنكرز

http://www.te3p.com/vb/uploaded2/23844_01176419613.jpg

..[الطريقهــ،،]..

1- ندَري المقادير وجهزيها عشان الطبخ .

2- كسري البسكوت أو اهرسيه الين مايسير ناعم .

حطيه في زبدية وحطي عليه الزبدة.

http://www.te3p.com/vb/uploaded2/23844_11176419613.jpg

1- أفركي البسكوت بالزبدة الين ما يختلطو مزبوط .

2- رصي الخليط في الصينية مزبوط ودخليه التلاجة .

http://www.te3p.com/vb/uploaded2/23844_01176419645.jpg

دحين نحضر الطبقة البيضا

1- جيبي زبدية عشان تسوي فيها الخلطة وكبي عليها علبتين قشطة .

2- حطي الدريم ويب واخلطي مزبوط بخلاط الكهربا .

http://www.te3p.com/vb/uploaded2/23844_11176419645.jpg

1- حطَي نص كاسة حليب ( النص بس ) على الخلطة وكملي الخلط .

2- حطي دحين حبات الجبنة الكيري للخلطة وكملي خلط .

لازم حبات الكيري تختفي بالمرة وما يبقالها أسر يعني أخلطي الين ما يجيكي الصمرقع

من دوي الخلاط . :557:

http://www.te3p.com/vb/uploaded2/23844_21176419645.jpg

1- وانتي بتخلطي أعصري ليمونة في الزبدية طبعا .

2- حطي الخلطة بيطة على قاعدة البسكوت بشويش ( ببطئ ) .

http://www.te3p.com/vb/uploaded2/23844_01176419674.jpg

اتأكدي انها اتوزعت مزبوط على السطح بعدين دخليها التلاجه بالقليل ساعه وحدة وازا

كترتي يكون احسن .
...
في حمام موية دوَبي الزبدة في قدر ( طريقة حمام الموية ) ( حطي قدر فيه مويه على

النار وجيبي قدر أصغر منَو وحطَي في الزبدة وخَلي جوة القدر الكبير اللي على

النار ) وصلت ؟
...
قطعي اصابع السنكرز و أرميها على الزبدة اللي في حمام الموية + ربع كاسة حليب

http://www.te3p.com/vb/uploaded2/23844_11176419674.jpg

اتجانس المزيج مع بعض واصبح مزيج واحد ..

طيب دحين شيليه من النار و سيبيه على جنب الين ما يبرد .

صبَي الخلطة على الطبقة الفوقانية للتشيز كيك ( الطبقة البيضا ) فاكرتها ؟ :332:

بشويش بشويش وبعدين دخليها للتلاجة بالقليل ساعتين

http://www.te3p.com/vb/uploaded2/23844_21176419674.jpg

عبل ما نخرجها روحي ازهمي على أمك واطمني عليها http://www.vip70.com/smiles/data/m51.gif ولا ازهمي على

بعلك وقوليلو أنا في المركب عشان يعرف انو متزوج ست بيت :409:
دحين خلصت الساعتين http://www.vip70.com/smiles/data/m41.gif

يللا نخرجها عشان تشوفو الدمار

http://www.vip70.com/smiles/data/s1.gif

http://www.te3p.com/vb/uploaded2/23844_01176419689.jpg

ها اش رأيكم اليمة صح ؟ هيا سوَوها ولا تنسو تصورولنا هيا

وبالصحة والعافية على قلبكم