أسئلة و حلول
 

قسم دلونى عالحل ..


الصديقة ط.ظ.ف العالم بعتالى جواب حلو اوى اوى وبتسألنى وهى متعجبة اوى اوى من جراءة المنيل على عينه اريال شارون .....
شوفى يا ستى بيقولك فى المثل الشعبي يا فرعون ايش فرعنك قلب مالقتش حد يلمنى ... محدش عارف يلمه ولا يشكمة عدل .. باستثناء المحروسة مراتة .. اكيد بتشبشبة بس لما يعمل حاجة كدة ولا كدة



الصديق مستغيث مرتضى يتعجب كيف حققت اليابان قدراتها الهائلة فى كل المجالات ...
شوف يا عمنا سياسة المؤسسات اليابانية هى الولاء المتبادل فالعامل يتوظف ويدخل لولادة المدرسة ويسافر للسياحة ويموت ويندفن كمان كل دة خلال جداول وبرامج منسقة تنسقها المؤسسات وعشان احنا واعيين ونبتدئ من حيث انتهى الاخرون فالمؤسسات عندنا تشجع العامل ان (يجيب من الاخر) اى يموت ويندفن على طول بلا وجع دماغ ولا هرش مخ ..



الصديقة عبلة السهتان زعلانة اوى اوى لانها ذاكرت جامد جدا جدا فى الثانوية العامة ومع ذلك جابت 50 % بس طب لية ...؟؟
شوفى الثانوية العامة تعتبر ساسة جولة وانا مبحبش الكلام فى السياسة بس على فكرة انتى كان ممكن يدوكى 90% بس خدى بالك اننا دلوقت في ازمة سيولة فمعلش يعنى عديها المرة دى واعتبر ان الاوكازيون فات عليها ...



الصديق رمسيس العتيق .. كلية الاثار .. بيسألنى لية الاسرة الحادية عشر ايام الفراعنة كانوا متقدمين جدا جدا بعكس احفادهم فى الاسرة الخامسة عشر
واللة شوف يا سيدى انت كدة بتتكلم عن اسر وبتعيب فى ناس مش موجودة معانا وانا مش بحب اجيب فى سيرة حد عشان عيب .. وفية مثل شعبى بيقولكيا داخل بين الفرعون واسرتة ما ينوبك الا لعنتة .. فالطيب احسن وخليها مستورة



الصديقة ديدى كوكو واوا من الزمالك .. بعتالى مشكلة عويصة اوى اوى انها كانت فى قصة حب رومنتيك خالص خالص مع البوى فرند بتاعها .. بس ادلها بمبة وخلع مع جيرل تانية بيئة اوى من اللى بياكلوا طعمية ويااااي فول تعمل اية عشان ترجعة ....
بسيطة اوة انا هديكى وصفة قوية اوى اوى ترجعيه .. تروحى اى ماركت وتجيبى المواد الخطيرة دى فحليين بصل_ بتنجان مخلل_طبق بصارة_ وعودين جرجير وراور واوعى تنسى نبات فعال اوى اوى وخطير اسمه فجل وتاكلى كل دة مرة واحدة 3 مرات فى اليوم لمدة اسبوع .. البوى فرند هيرجعلك على طول

شكرا على الموضوع مع اني ما فهمت شي

ههههههههههههههه:150:

هوه مين داه اللي بسالوه ديه الاسئله

شووووووووكرا على الموضوع:335:

الظاهر إنو واحد محشش و الله أعلم :587:

طبعا مش هتفهم شئ يا قلب الاسد

لان دى ما يفهمهاش غير مصرى ضليع باللغة العامية المصرية وكمان فاهم احوال البلد