[أضواء الحجاز]

اليوم حابه اعلمكم العاشورية المكاويه على أصولها

وبالمره ندوق حبايبا اسرة قزاز

يالله يابنت يانوده وانت ياالشريفة الهاشمية وعاشقة الرسول

نحضر القادير
نودة تجيب الحب وتغسله وتسلقه
عاشقة جيبي الحليب والسكر وماء الزهر
عاشقة انت عليك المكسرات فستق مقشر زي الكهرمان وكاجو وصنوبر و زبيب و لوز بجلي مسلوق ومقشر و بليله
دحين ننقع البليلة
نودة استوى الحب لا تخلي ينهري يابنت
نشقر اللوز البجلي يا شريفة تحط الحليب والسكر على الحب ونحركة عشان لا يفرصد
ايوه الله يعطيكم العافية شطار
خلصتي يا عاشقة اللوز صح هي حطي على الحليب ونستمر في التقليب
تضيف نودة بقية المكسرات الكاجو والصنوبر والفستق والزبيب والبليله
اخ نسيت اقلكم تجيبوا الهيل
هي بركة انك يا شريفةافتكرتي نحط الهيل بحباتة مو مطحون
ونسيبها تاخدله فورتين عبال مانعبي التبرويهات
ايوه كده صارت تخينه شويةهي دحين نحطلها موية الزهر ونسيبه تبرد
بعد ساعة نعبيها في التبرويهات ونكتب اسم كل واحد على علبته
لاتنسوى احد يابنات يالله raag و جارة الوادي وبنت جبل النور و الشريفة الهاشمية وعاشقة الرسول
‏F B I, ‏gazzaz_man, ‏wissam قلب الاسد Gentel Man
يالله يبنات لاتتحشدو والى سقط اسمها سهوا تجي تتفضل
ياناس نشف ريقي اتفضلوا كلكم عاشورية تسلم على القلب سوينا اكبر قدر واذا خلص عندنا استعداد نسوي غيره
وكل عام وانت بخير