[سوسة المسوسة]

والله بصراحه انا لا احبذ الزواج في سن مبكر وذلك لعدة اسباب منها

ثقافه الزوجين في الحياة الاجتماعية وكمان لا ننسى خبراتهم ومستوى النضج العقلاتي لديهم

يعني مثلا انا مااحب البنت تتزوج تحت السن ال 20 احسها تكون في عز المراهقه والطياش

والولد كمان نفس الشيء

احس للولد 24 سنه مناسب بس اصغر من كدا بصراحه مااحبذ

بس بصراحه يفرق من شخص لاخر على حسب التربية يعني ماشاءالله في اولاد صغار بس عقولهم ناضجة وكبيرة وقد المسؤولية

وكللو يرجع على حسب تربية الولد و والولد نفسه وكمان دور الام والاب اللي بثقفوا ويعودوا اولادهم ويعلموهم عادات عشان يكتسبوها لبعدين

يمكن يكون حلو بالنسبه ليا في نقطتين بس يمكن اول سبب انو احنا في زمن يالطيف كثرت فيه المصايب فهنا احبذ الزواج المبكر عشان كل سنه يالطيف بتزيد المصايب والفساد بيكبر في مجتمعنا

الله يكيفينا شر المصايب ويحفظ بناتنا ويستر عوراتنا امين

وثاني سبب لنا للامهات يعني لما الوحده تتزوج وعمرها مثلا 18 سنه وخلفت وعمرها 20 وبعد 20 سنه زوجت بنتها والكل يطالع انها لسه الام صغيرة وفي شبابها يعني حركتات وفلله

بس بامانه انا مااحب الزواج المبكر يعني ثقافه الزوجين تكون محدودة وكلهم طايشين

وعشان كذا يالطيف بنسمع عن كثرة انتشار الطلاق ةهذا بسبب قله الوعي ودلع وطياش الزوجين وكمان الاهالي هما السبب

احس انه لازم كل واحد فينا يعيش سنه ومرحلته الين مايوصل للنضج ويحس انه قد المسؤوليه

والكل بيجي ومكتوب نصيبه على جبينه سواءا زواج مبكر مو مبكر عانس كللو من امر الله ومكتوب في الجبين

بس هذا رأيي واسفه على الاطاله

والله يوفق الجميع

مشكور يادودو على الموضوع الاكثر من رائع

تقبل تحياتي وتسويسي