[الشريفة الهاشمية]

جربتي تعملي هيك مع زوجك شي ليلة؟
كيفكم خواتي وكيف لياليكم الحمرا والرومانسية والزرقا؟؟
الله يسعدنا ويخليلنا رجالنا ويبعت للبنات ازواج صالحين
انا عندي الكم اليوم ليلة غير شكل
بس لازم الزوج يكون مرتااااااح ومزاجه عالي وجسمه نشيط
وما يكون بكرة دوام او عمل هيك افضل....عشان القعدة اذا طولت تحلى
وعلشاان ما يبهدلك لما تفاجئيه بهاليلة ......الغير شكل
لانه توقيتها بنص الليل قبل ادان الفجر بساعة
بخري مكان معين هادي وعطريه وجهزي ماء بارد وحطي فيه( لقاح)
او فنجان قهوة......حلوة او مرة حسب اختياره شو هو بيحب انتي اعلم
وحطي بجانب الماء السواك لاتنسيه (مرضاة للرب مطهرة للفم)
هلق روحي لعنده شوي شوي
وصحيه بصوت ناعم .....مو تفززي الرجال ؟؟وتخوفيه؟؟
بصوت هادي ولمسة حانية قوليله ........ تعا يا حبيبي نتعبد ساعة
باقي شوي للفجر قوم نناجي ربنا ....في السحر والناس نايمة
قوم نعدد مطالبنا ونرفع شكاوينا للحي اللي ما بينام
قوم نسبح ونحمد ونشكر لهذا الرب الكريم الرحيم
يلي جمعنا واعطانا هالاولاد والبنات ورزقنا من فضله الكتيررررر
واشعري حقيقة عزيزتي انه الله شايفك وانتي بهاللحظة
واشعري كم من الرضا نلتي باذن الله......وصدقيني ما في احلى
من ليلة تجلسي مع الله تناجيه في ظلمة الليل
ليلة لاتنسى سحرها خاص وطعمها ..........آآآآآآآآه من القلب
صدقيني نهارك كله بيصير غير شكل
.......انتي بس اعزمي وتوكلي ..........واعزمي زوجك
بهاليلة احلى ليلة ........من ليالي العمر