فطائر التوست بحشوة الدجاج والمايونيز بالصور
انا هذه عملتها طلعت جنان
دجاج مفروم ( يعني بعد السلق تقطعينه إلى قطع صغيرة )
, خضرة مشكلة ( بطاط وكوسه وجزر وفلفل بارد مقطعه إلى
قطع صغيرة ) , التوست منزوعة الأطراف , ما يونيز بالكمية اللي تبينها
( أنا حطيت أربع ملاعق ) , جبن كاسات كرفت متوسط الحجم , علبة قشطه , جبن موزوريلا
الطريقة
أول شي تحمسين البصل وعقب تحطين الخضرة المشكله ولما ينضجون عدل تحطين الدجاج والكركم والبهارات
تكونين صافه اول شي التوست بالصينية وطبعا بعد نزع الأطراف وتحطين فوقه حشوة الدجاج والخضرة المشكلة وبعدين تحطين الطبقه الثانيه من التوست فوقه كما في الصورة
تخلطين المايونيز والجبن والقشطه
وتحطين الخلطه فوق السلااايس وترشين جبن موزريلا على الوجه ودخلينه الفرن
من ثم يكون جاهز لتقديم وبالهنا والعافيه