[أم محمد]

اقترح إن نحط موضوع مثبت كل من عنده شكوى يحطها ويقدر يدخل اي شخص يبدي رايه بالموضوع...
انا صراحة اول مرة اشارك في المنتدى, انا متزوجه من 9 شهور وماني عارفة شقول لأمي او اي احد عن مشكلتي المشكلة مو بس بزوجي المشكلة فيني كمان انا ماني عارفة شلون الخصها لأن انا احس إني غلطت وتسرعت لمة تزوجت مرات افكر اقول ليتني اطلقت بس ارد اقول اهو ماعمرة مد ايده واهو احسن من وايد رياييل واهو في صفات زينة بس همن فيه صفات شينة كثير تغث وتظايقني خصوصا إن انا حامل الحين وتظايقني اهي زياده.
نبدي اشرحلكم وظعي: بسم الله
انا من تزوجت اول شهرين عادي مثل اي معاريس وكانت المعاشرة بينا عادي مرة تصير مرتين باليوم وهذاك اول الحين زوجي يمر عليه الأسبوع يالله يتذكرني وإن لمحتلة او حاولت إني اتحرش فيه يقول عني قليلة ادب واطلب اكثر من حقي تخيلو بلأسبوع او العشر تيام مرة وحده ويجي يخلص ويمشي ولا حتى يفكر فيني اهو يفكر إن انا ابي بس هذيك الشغلة لأ اهو حلاتها في مقدماتها مو اساسها ان تجي تخلص وتمشي لأ حلاتها في الرسول مثل ماقال رسولنا الكريم صلى الله عليه وسلم خلونا من هذي
نروح للجزء الثاني من المشكلة انا زوجي كان يعطيني مصروف 100 بالشهر وبهال100 انا اجيب كل شي للبيت طيبا مني واحنا اصلا ماناكل كثير بالبيت لأن اهو اصلا من يقوم يطلع مايتريق ولا يتغدا في البيت بس يتعشى والعشا الله وكيلكم الساعه 12 او 1 بالليل اصلا لاصار 12 بالليل هذا مبجر اهو مرات يمرني فبيت اهلي الساعه 12 او 12 ونص بالليل
انا اقولكم اهو يقوم على ال9 او 10 الصبح يطلع يروح يلعب بالنادي على قولتة او اي شي ثاني ممكن يقول رايح البحر ويا ربعي وبالشتا يقول رايح البر او حتى يقول رايح لشغل لأهله او لشغل او لتصليح سيارة المهم عنده 100 عذر
ومايجي إلا العصر او المغرب على الساعه 6 يتسبح ويلبس ويطلع ويقولي وين بتروحين اقطج بيت اهلج يا اروح بيت اهلي او اطلع وياهم السوق اطلع ويا ماما او بنات جيرانا
وهذا حالي كل يوم
وفوق هذا احس انة يصرف على روحه زياده عن اللزوم تخيلو ماعنده يولدني في ملكي ب800 دينار بس عنده يشتري بورش موديل 2004 ب9 آلاف دينار واللي يغث زياده ماعنده الحين فلوس نشري اغراض البيبي
يعني تخيلو مو شغلة تقهر
انا احس إنة يفسفس على عمرة واخر شي يفكر فيه بيتة