[الشريفة الهاشمية]

ظاهره صرنا بنشوفها كثير هاليومين فمجتمعاتنا العربيه ، وناس كثير بتعاني منها


وبقول أنها ساس المشاكل بين كل الأزواج




قبل الزواج تكون البنت تحب لها شاب ، ومع الأسف يا أهلها يرفضوه وما يوافقوا على ارتباطهم ، أو ، أنها تكون تحب لها شخص ما يحبها وتتم تفكر فيه طول عمرها حتى بعد الزواج ، وبالتالي ، تقضي حياتها كلها وهي تفكر فيه وتقارن زوجها بالشخص اللي حبته وتتخيله مكان زوجها بعد وهذا شئ ما يجوز شرعا، بس المشكله أنه البنت مغلوبه على أمرها ، لانه قطار السن له دور ، وإزا الحبيب ما قدر يتقدم ، في غيره ، والأهل إذا صبروا شهر أو شهرين مارح يصبروا سنين عشان يزوجون بنتهم وخصوصا لو كان بيتقدم لها عرسان ، وكلام الناس زي السيف ، وخصوصا أزا انرفض أحد كفو وما فيه أي شئ يخليهم يرفضوه



أما الشاب ، فنفس الشئ ، يحب له بنت ، وما يقدر يتزوجها لأي سبب من الأسباب ، ويتم يفكر فيها بعد زواجه ويقارنها بالمسكينه اللي ارتبط فيها ، واللي غالبا ما يكون أهله اللي اختاروها له ، ويتمم مشروع الزواج ، رغم أني دايما بقول أنه الشاب مش زي البنت ، فيه ، يرفض ويقول لا لانه له هيبته وكلمته ، لا عنده مشكلة في السن ، ولا عنده أحد يقول له عيب لازم تسمع الكلام لأنه رجل لكن اللي أشوفه أنه حتى الشباب صاروا يتزوجوا بمبدأ الزواج وخلاص ، والحب الأولى ، فترة وعدت ، ويضل محتفظ فيه كذكرى يشوفه كل ما مرت مشكله بينه وبين زوجته ويتخيل حبيبته فكل لحظه وفكل دقيقه





ليش ما نكون واقعيين ، ونحكم ضمايرنا في الناس اللي بيشاركونا حياتنا ، ونبتدي حياتنا صح من غير غش ومن غير خدااااااااااااااااااااع ؟




ليش نحب شخص ونروح نرتبط بغيره فعز حبنا ليه ؟



وين الأمانه ؟




وين الإخلاص في الحياة الزوجيه ؟




رسالة كتبتها ، بعد ما تعبت وقرفت من كثر ما شفت هالظاهره اللي بتهد بيوت وتفتح مجال للشيطان والحرام اللي يتغلل في الأسر العربيه ويدي مجال لظاهره أبشع ألا وهي الخيانة الزوجية الفعليه مش الذهنية ، لانه فنظري لمجرد التفكير في الماضي بعد الإرتباط يعتبر خيانة




الله يكفينا ويكفيكم شرها