[عاشقة الرسول]

كثير ناس تمر علينا بحياتنا
يأثرون فينا ونأثر فيهم
هذي بعض النماذج اللي مرت او ممكن تمر عليك بحياتك
يتركون اثر او بصمة ما تقدر تمحيها الايام


(قتل المشاعر)
في ناس نقابلهم بالصدفة..نفتح لهم القلب اللي كان طول عمره مسكر
نحس ان الحياة حلوه معاهم وكل يتغير وقت التلاقي
نشوفهم مثاليين ومافي نفسهم بالدنيا نتخيل ان الحياة معاهم حلوه
نعيش باحلى حالة حب
بأيامها
ولياليها
نتمنى ان الوقت مايمر معاهم ويوقف بس عشان نشوف عيونهم
نحس معاهم اننا عايشين بدنيا مو الدنيا اللي احنا فيها
يختفون كل البشر من عيوننا لحظة مانكون معاهم
ولا نحس اننا مع الناس نحس بأن لنا عالم بروحنا
نتخيل المستقبل بيكون احلى واحلى
وان الحياة من دونهم مستحيلة
وفجأه نكتشف شي لا عالبال ولا عالخاطر
نكتشف ان كل اللي كنا عايشين فيه وهم بوهم
نكتشف ان هالحب كان خيال
وكان بالنسبة لهم شي من المتعه وتضييع الوقت
واللي كان بالنسبة لنا مستقبل وحياة

(الظروف)
ناس نتعرف عليهم بالصدفه
مانعرفهم ولا يعرفونا
تزيد معرفتنا فيهم يوم عن يوم
نحس ان هالاشخاص حيل قراب منا
نعطيهم اسرارنا ويعطونا اسرارهم
نحبهم بالصدفه
مثل ماعرفناهم بالصدفة
يزيد هالحب يوم عن يوم
وتكبر العلاقة
اللي ماكنا حاسبين لها حساب
بس الظروف اقوى
تمنع العلاقة
ويتلاشى الحب
وتم الذكرى تعذب الطرفين
نحاول نسترجع ولو جزء من الماضي
نبي نعيد الذكريات بس الظروف محتها

(الانانية)
ناس يمرون عليك بمرحلة من حياتك
تكون لهم خير سند به الحياة
تشاركهم كل
ملكك
وتعطيهم حب اكثر من اهلك
تحس انهم جزء من حياتك
وتفتح لهم باب بيتك
تأمنهم على اهلك وعرضك
مايمر يوم بدونهم
يكونون مثل الاخو والاخت بالنسبة لك
يعرفون عنك كل صغيره وكبيرة
وتحس ان هالناس تقدر تأمنهم على كل
غالي بالنسبة لك
تكشف لهم كل اسرارك وتعرفهم على اغلى الناس عندك
تكتشف خيانتهم بوقت متاخر
يكونون خذو كل
حلو بحياتك
حتى حبك