[حفيدة المصطفى]

كلااااااااام جميل سبحان الله المبدع يعني كل ردود الافعال خاضعة لنظام هرموني معين !!!
اسمحيلي يا سنيورة اتفلسف واطق حنك شوية واحط رحالي في كل مرحلة ...

( المرحلة الاولى )
الاتنين ما يعرفو عن بعض شي كل واحد من كوكب وكل واحد بطباع معينة فبمجرد انها حبتو وهوا حبها حيلاقو انهم لايقين لبعض وحياتهم حتبئى على سنقة عشرة هوا عبدالحليم حافظ وهيا شادية !!! ويعيشو قصص الافلام والمسلسلات وحيكون دا في فترة الملكة والايام الاولى من الزواج

( المرحلة التانية )
يلا دحين بدأ المستخبي يبان مع مرور الوقت فحتكتشف المحروسة انو اللي اختارتو يخالفها في امور وحيكتشف انو اللي اختارها برضو تخالفو في امور ومو هيا اللي كان بيحلم بيها فحتبدأ العكننة والخناقات ودا شي طبيعي لأنو كل واحد جي زي ما قلت من كوكب وبيئة غير عن التاني فالمفروض نتعامل بعقل ونتعايش مع الوضع عشان لا نوصل الى ما يحمد عقباه

( المرحلة التالتة )
وهيا المرحلة الحاسمة في الموضوع وندعو الله فيها انو تزيد نسبة الأوكسيتوسين لانو لو قل مشكلة ولو زاد حيكون في تفاهم وتعايش للامور بين الطرفين وتزيد نسبة الحب بينهم وحيلاقو نفسهم عايشين في اجمل قصة حب في تبات ونبات لانو الحب ما يجي كدة يجي مع العشرة والانسجام

لك تحياتي سنيوريتا وسامحيني على الاطالة وربنا يسعدك ويسعد كل الصبايا والشباب ويفرحني بيكي وشوفك عروسة زي الئمر

الحياة حلوة بس نفهمها