قالت أوصفني بقـصيدة ! قـلت بسم ألله عليـك
لا تكونين أنهبلتـي ؟ مـا نقصـني بك هـبـال
وين أبلقا لك وصايف بـالوصف تركب عليـك
رمشـك لحـاله قصيـدة حـارسٍ عين وهـلال
أيه اكتب وكمل ! لا تخاف ومــا عليـــك
تحسب أني صرت شـاعـر صدقت بنت الحـلال
قالت اكتب بس عجـل كل ما يطري عليــك
وجلست قدام عيني وشـالت اطـراف الجــلال
قلت ياربي دخـيلك عـبدك وداخـل عليــك
باقي بعقلي بقايا وصرت أخـاف من الـخــبال
قلت أنا ارجوك قومي ابعــدي يستــر عليك
صايرٍ مجنون لـيــلى لحالتي أقرب مثــال
أبعدي عن كل غيري افهمي شـوري عليــك
أحلف أن الي يطيعــك بيتربط بـالحبــال
منهو الي بس يقدر يشعــر وعينـه عليـك
لو يقاوم سحر عينك ما يقاوم هالــدلال
بوصفك لكن شرطي حطي الغطوة عليك
وبكتب انه فـيه وحدة مـالكة كل الجمــال