[حفيدة المصطفى]

في هازا الصباح الرشيق ..

مع دغدغة البلابل والصقور.. ورجة العالم الغيور .. وبكى الاولاد البزور ... وشمة انواع العطور .. جاء على بالي لعبة الصندووق لالعبها مع الاخوة الحضور .. ندخل في صلب الموضوع عشان لا يكترهرجي واضيع عليكم الفطور .. كيف بس اعرف اسجع ؟

يلا اترصو كدة احدايا زي الاولاد الحلوين وفتحو ادانيكم واسمعوني كويس اش راح اقلكم ترى كلام الملوك ما ينعاد ها ؟ ...
اللعبة اللي جبتلكم هيا زي لعبة عروستي فاكرينها ؟ ايييييوة الله يفتح عليكم
بس اللهم انو انا حيكون عندي صندوق وححط وسطو اي شي يخطر على بالي وانتو عاد مهمتكم تسالوني وتستكشفو وتجمعو بيانات عنو من خلال اسئلتكم واسئلة غيركم عشان توصلو للشي اللي موجود في الصندوق فهمتو عليا ؟ ايييييوة الله يفتح عليكم

طبعا اللي حيعرف اش حطيت في الصندوق راح يكسب نقطة و حنشيلو ونرميه فوق في الهوا زي البزورة وحنعمل هيصة وزنبليطة
اما في نهاية الموسم الشاطر فيكم هوا اللي حيجمع اكبر قدر ممكن من النقاط وساعتها عاد لنا كلام تاني معاه ...

يالله يا حلوين وروني شطارتكم وجيبو التايهة