31-10-2013, 02:16 PM
|
|
|
كيكة جربتها طعمها كتير طيب
السلام عليكم ورحمة الله وبركاته
مساءكم وصباحكم رضا من الرحمن
ازيكم حبيباتي
النهاردة عملت كيكة الذرة بالعسل الاسود والموز والحمدلله انا شاطرة فيها صحيح مش زيي الفتوكات القمرات اللي معانا بس معقولة
تعالو معايا شوفو طريقتي السهلة
2 كوب دقيق ذرة ناعمة
كوب دقيق عادي منخول جيدا
كوب زيت
3 بيضات
لبن للعجن
كوب ونصف عسل اسود
ملعقة شاي بيكنج باودر
فانيليا
ذرة ملح
3 وحدات موز مقطعين شرائح
طريقة العمل
اولا هنجيب الدقيق العادي ونخلطه بدقيق الذرة ونضيف ذرة الملح ونضيف البيكينج بودر وننخلهم مع بعض كويس اكتر من مرة عشان ندخل الهوا فيهم وبعدين نحطهم على جنب
وبعدين نجيب العسل الاسود ونضيف له الزيت والبيض ونص كوباية لبن والفانيليا ونضيف الموز ونحاول نهرسهم كويس ونضرب الخليط مع بعض
بعد كدة نضيف المكونات الجافة السابقة للعسل ونقلب براحة جدا ومش كتير عشان منخرجش الهوا وتهبط
نسيت اقول لكم قبل مانعمل الكيك نكون مولعين الفرن وداهنين الصينية سمنة ودقيق يعني نبطنها كويس
بعد مانخلص نصب الخليط في الصينية ونحطها في الفرن على 200 او حسب فرنك بتكون متوسطة
وبتقعد نص ساعة
وده شكلها بعد ماخرجت
شايفين منفوشة ازاي وطعمها وريحتها هايلين والموز عامل احلى شغل
ودي اول قطعة مع فنجان شاي لزوجي لاني عاملة ريجيم للاسف والباقي للاولاد وكان نفسي تبقو جنبي ابعت لكم حتة
|