[قلب الاسد]

بسم الله الرحمن الرحيم إهداء لكل الطيور المهاجره التي تغرد لكي تسعد الأخرين والتحيه لكل زول ضكران وبت دقريه ..التحيه لكل من يضحي لكي يسعد أعزاء لديه .. رد الله غربة الجميع وحقق أماني الكل .. أمين الزمن القاسي المر الشك .. الخوف .. الذل السافر وقلبو يصد الزارع شوقو ألم الحاصد أملو ندم الجالب الخير للناس وداخر لي روحو فقر الساند الحيل بالحيل وكائس لي حيلو ضهر الفارد صدرو ملاذ وبفتش لي حضنو وطن الهمو دموع الغير وعيونو جراح وشجن الباني أحلام في الموج مسجون في جوفو أمل مستني مراكب الريد في قيف الزمن المر عشمان في باكر خير يتبدل حالو يسر يطير عصفور في البال ويغاذل مطرو الغيم يطير عصفور في البال ويغاذل مطرو الغيم .....