الانسات تفضلوا..ممنوع دخول الشباب والمتزوجات

[نوده]

قلت مايصير دايما مواضيع عن الشباب اليوم جايبه موضوع للانسات هو في أنسات ولا لا

لا اشوف شباب ولا متزوجات عيب ترى تشوفوا نوده ندو حلاوة لدو لمن تحمر عينها ترى مره ماعندي لعب يااسودياابيض

ياشباب لا تنسوا الوصايا اللي علمتكم هي هي لا اشوف طخت احد فيكم ...

لو مثلا انتي كنتي طفشااااانه ونايمه إليييين الظهر ولمن صحيتي لقيتي أهلك صاحيين وجالسين يتغدوا.
قمتي جلستي معاهم وانتي وااااصلة معاكي (وشعرك عامل زي عبّاد الشمس) شويه شفتي أمك تطالع فيكي وتضحك وانتي كل شويه تعدلي شكلك تحسي إنو فيكي شي غلط!!
ولمن خلص أبوكي من الغداء وقام هو وأخوانك...التفتت عليكي امك وقالت لك :مبرووووك يابنتي

انتي : مبروووك على ايش (طفشااااااااااانه ومنتي رايقه لثقالة الدم)
امك : اليوم كلمتني أم فلان، وقالت تبغاكي!
طبعا راح تتغير ملامح وجهك ويروح الطفش ويصير وجهك بشوش، بس بتستحي من امك وبتخلي وجهك خجووووووول! !!!

انتي : إش تبغا الحرمة يا ماما ( نوع من أنواع الاستهبال)

امك : تبغاكي تكنسي حوشهم!!! (أمك تسوق الهبل خخخخخخخ)

انتي : يعني تبغا تخطبني؟ (بريئة مرة )

امك : ايوه..... إش رايك يابنتي؟
انتي : ما أبغى أتزوج دحين يا ماما (مسوية قوية وماهمك)

المهم بعد يومين دقت ام العريس

ام العريس : الووووو (متحمسة) وولدها جنبها

امك : الوووووو
ام العريس : كيف حالك يا أم فلانه وكيف حال بنتك
امك : طيبين
أم العريس: وحشتونا
أمك: ما تشوفي وحش يا حبيبتي!

شكلي بطولها المهم بوصلكم للزبدة (صارت مكرونه بالباشميل ) خخخخخخخ

ام العريس :ها بشريني إش قلتوااااااا
امك : موافقين...وربي ما ح نلاقي أحسن من فلان
ام العريس: اجل ترى يوم الخميس بيجي ولدنا يشوووف بنتكم
امك : اوكي ( عادي امك فري)


أف تعبت وانا أكتب


المهم خلصوووووو وانتي بدأ قلبك يقول طربق طربق طربق طربق اليوم الاثنين ويوم الخميس قريب

سؤااااااااالي هنا ابغى اعرف إش بتسويي من يوم الاثنين للخميس؟ ويوم الخميس بالذااااات وش ح تسوي ياعرووووووووووووسه ؟؟؟؟؟؟؟

[الغامضه]

اولا مشكوره خيتو نوده على الموضوع
مممممم
اعتقد بكون في قمة التوتر والجنون هههههه
وبتكون اعصابي تالفه على الاخر
وبتتغير حالي بيصبر ليلي نهار ونهاري ليل هذا اذا اقدرت انام من اصله
وبكون داايم السرحاان والتفكير
والأكيد منه اني بكون خايفه من المجهول

[جارة الوادي]

هههههههههههههه

اول شي حاحاول اصلح في شعري المنكوش واسوي نفسي كاني ما سمعت

واشرب مويه عشان انعم سوطي شويه

وثالث شي حنكسف واروح اغير الهبابه اللي انا لابساها

[نوده]

ان شاء الله كل آنسه ردت في الموضوع يارب تتزوج واحد يحبها ويموت فيها
ويسعدها دنيا واخره
فينك ياعاشقه وشوكلاته راحت عليكم الدعوه انتو اللي مادخلتوا هي الحقواعلى الدعوه

[عاشقة الرسول]

امكن تعمل جمعية

ولا تاكل بط