***** كيكة الجزر *****

[حفيدة المصطفى]

جبتلكم اليوم طريقة كيكة جزرشفتها في النت وسويتها طلعت بجد مررررررررة

لزيزة تسلم يدي

صراحة غطت على كيكة اطايب

يالله أتفضلو أكتبو عندكم بلا هرجي الكتير

المقادير

3 حبات بيض

كوب ونص سكر

ثلاثة ارباع كوب زيت

ملعقة صغيرة قرفة ناعمة

ملعقة صغيرة زنجبيل طازج ناعم

فانيليا

2 كوب دقيق

ملعقة صغيرة بكينج بودر

ملعقة صغيرة كربونات الصودا

3 كوب جزر مبروش

نصف كوب جوز عين الجمل مفروم ( انا ما حطيت)

الصوص: 5 ملاعق طعام سكر بودر مع 2 ملعقة طعام عصير ليمون نخلطهم سوا

واذا لقيتيها جامدة ضيفي القليل من الماء

الطريقة:

نخفق السكر والبيض والزيت سوا لحد ما ينفشوا

نضيف الفانيليا والقرفة والزنجبيل ونخلط

ثم نضيف الجزر

نضيف الدقيق والبكينج بودر والبيكربونات ونخلط

اذا اضفتي القعقع أو المكسرات حتتقل الخلطة معاكي فعشان كدة لازم تضيفي شوية

حليب المراعي

نصبها في قالب مدهون أو في صواني الكب كيك ونحطها في الفرن حتى تنضج

بعد النضج نتركها تبرد قليلا ونرش عليها الصوص ونقدمها

حقيقي لا تفوتكم سووها لمامتكم وبابتكم مرة حتعجبهم وحيدعولكم

بالصحة والعافية

[عاشقة الرسول]

وااااااااااااو روعه مره أحبها

[حفيدة المصطفى]

هي اللي تحبك يا ستي

خدي حتة من يدي دووووووقي ها عجبتك ولا مو على قد الاعلان ؟

[الحسن بن هاشم]

هههههههههههههههه من جد كلامك كتير هيا لاتزعلي مزح مزح ,
والأعلان مش بطال .

[حفيدة المصطفى]

بنت عاشقة البسي قنعتك شوفي الراجل دا اش دخلو عندنا هنا في المركب

هاهاهاهاهاهاهاهاهاهاهاهاهاي

جي تاكل ولا جي تاخد الطريقة ولا جي تتفيضل ؟

هاهاهاهاهاهاهاهاي

شرفتنا في المركب هيا روح برة دحين نجبلك وصلة كيكة

لك تحياتي

[عاشقة الرسول]

ههههههههههههه

اطلع عشان لا تشوف مين جالس يعملها ولو صار شئ قاضي حفيدة

ولو كويسة أكيد راح اكون انا اللى عملتها

[الحسن بن هاشم]

أيوه جي أفيضل خخخخخخخخخخخخخ , والشرف لنا , وأبادلك التحيه ,
وبعدين أيوه غطو عشان لاأشوف الكدش ههههههههههههههههه مع الطبخ يظهر .

[حفيدة المصطفى]

المشاركة الأصلية كتبت بواسطة الحسن بن هاشم

أيوه جي أفيضل خخخخخخخخخخخخخ ,

قل اعوذ برب الفلق كمااااااان وبعين قوية قول ما شالله لا تصكنا بعينك

والشرف لنا , وأبادلك التحيه ,

ميغسي

وبعدين أيوه غطو

الحمد الله مغطين راسنا بس قلتلها عشان تروح وتلبس عبايتها

عشان لاأشوف الكدش ههههههههههههههههه

ها قال كدش قال الحمد الله شعورنا حرير تسحب في الارض روح شوف شعرك ازا

كان عندك

مع الطبخ يظهر .

لا تخاف عاملين الكعكة وحاطين البنس ورابطين المحرمة والمدورة ايش تبغى اكتر

من كدة خلاص بلا رغي وورينا عرض اكتافك

[حفيدة المصطفى]

المشاركة الأصلية كتبت بواسطة عاشقة الرسول

ههههههههههههه

يختي عليكي الله يسعدك يارب تخليلي دي الضحكة بتيبتيبتي

اطلع عشان لا تشوف مين جالس يعملها

اش وراكي يا بنت ها

ولو صار شئ قاضي حفيدة

افا عل ندالة قولي كدة من الاول

ولو كويسة أكيد راح اكون انا اللى عملتها

هااااا مين اللي عملها ؟؟ يا شيخة غووووووووري


مين اللي كان حيحط بدل القرفة قرنفل ؟

ها افضح ولا كفاية

هيا امشي اطلعي انتي ويا برااااااااااااااااااااااا ولا اشوفك هنا تاني لا احش ريولك


حش

[عاشقة الرسول]

لا تخليني افضح مين اللى حط الجزر بقشره

وكان الارنب تحت الطاولة وقلتي خلينا نحطه زي ما هو ونخلص