تريدين بيتك يكون رائع ونظيف اليك الطريقه

[الشريفة الهاشمية]

مساء الخير عليكم



عندى اكتر من حاجه بعملها لتنظيف البيت بتسهل على المهمه وبتخلى البيت فعلا نضيف ومستعد لآى زائر فى أى وقت


كلنا علب البخاخ عندنا اول ماتفرغ بنرميها ، انا بعيد استعمالها تانى لانها فعلا مفيده
اول حاجه غسيل وتنظيف علبه البخاخ من الماده الاصليه التى كانت بها
ونبدأ الاستعمالات.

بسم الله

**لتعطير البيت
ماء ورد نخلطه بالماء ومعلقه كبيره اى زيت معطر عندنا.....انتى كده عندك معطر رخييييييييييص جدا وفى نفس الوقت رائحته دائمه بالبيت......بعد ما نفتح الشبابيك الصبح للتهويه وبعد دخول الشمس وتلميع الاثاث واعاده اغلاق النوافذ كلها هنرش الستائر والسجاد والكنب واى فرش بالبيت واستمتعى بالرائحه والنظافه

**لتنظيف الحمامات والمطابخ
مقدار من الكلوركس ومنظف الصحون و2ملعقه خل ابيض عادى كبيره، ونضعهم بالرشاشن ونضع بكل حمام زجاجه
بعد كل استعمال للتواليت او الحوض نرش منه ونشطف بسهوله ، الحمام هيفضل نضيف وبيبرق ورائحته فى منتهى النظافه بالاضافه للتعقيم كمان
ونفس الخلطه عند حوض المطبخ بعد الجلى يتم رش الحوض بها من جميع الجوانب لازاله الدهون والجير من على الحوض
ونرش بها البوتاجاز لتنظيفه كل يوم وفور وقوع اى شىء عليه وممكن رشه على الشفاط الاستانلس لازاله الدهون المترسبه عليه كل يوم مجرد مسحه بالاسفنجه والدنيا هتبقى منتهى النظافه.
وممكن رشه فى اى اوانى فار عليها الاكل او اللبن من الخارج لتسهيل تنظيفها.

**قشور الفواكه

الفتره دى التفاح والبرتقال بكثره ومتوفر
بعد تقسير التفاح ما ترمى القشر حطيه فى اى انيه قديمه وعليه ماء وعود قرفه ورشه فانيلا صغيره جدا .......واتركيه على نار هادئه جدا وتمتعى برائحه الجو المعطر بالقرفه والتفاح
وممكن قشر البرتقال كذلك نفس الطريقه
او وضعه بأى طبق فوق الثلاجه حتى يجف ، وفى الفتره حتى يتم جفافه هيملاء المكان او الغرفه اللى انتى حاطاه فيها بعطر البرتقال وبعد الجفاف التام يطحن لاستعماله فى عمل الكيكات برائحه البرتقال
وبكده تكونى استفدتى منه مرتين

**لتسهيل التلميع للموبيليا

كلنا عندنا شرابات قطن (رياضيه ) بتبوظ او تقدم ماترميهاش ، بدل ماتنظفى بفوطه تلميع البسى الشراب ورشى عليه بليدج او حطى عليه شويه زيت زيتون ولمعى الموبيليا الخشب ، تحكمك هيكون اسرع واسهل واتقان التنظيف هيكون افضل

يمكنك استخدام الشرابات كذلك فى تلميع الاحذيه بلبس الشراب فى يدك ووضع الفازلين عليه وتلميع كافه الوان الاحذيه الجلديه بدل الورنيش وتلطيخه وكثره ادوات تلميع الاحذيه

**إذا كان الزوج مدخن ضعى بكل طفايه قطعه من تراب البخور ارخص نوع وافركيها بالمطفئه وعند كل اطفاء لرماد السيجاره ستفوح رائحه البخور بدلا من رائحه دخان السجائر

**ضعى دوما على التلاجه مغناطيس وورقه مثبته به وقلم فى مكان قريب وكلما نقص شىء من الثلاجه او من احتياجاتك المنزليه فورا دونيه وبذلك تتجنبى النسيان وكثره الذهاب للسوق وايضا الشراء المكرر لبعض الاشياء الموجوده اصلا بالاضافه للتوفير فى الميزانيه
وضعى ورقه اخرى كبيره مكتوب عليها things to do او مهام يوميه
اكتبى عليها كل ليله ما تودين عمله فى اليوم التالى مثلا:
تنظيف
غسيل الشراشف
نقع الملابس الصوفيه
شراء مستلزمات المنزل
زياره الاولاد بالمدرسه
مكالمه امى او صديقتى
كتابه خطاب فى العمل او لصديقه
شراء .......
أى مهمه تحبين انجازها
وكل يوم القائمه تتغير طبعا بحسب المطلوب منك انجازه
الفوائد عظيمه لهذه القائمه
هتحددى المهام بتاعتك
هتنجزيها وكل ما انجزتى مهمه تضعى علامه امامها تفيد اتمامها
شعورك النفسى بالانجاز
راحه النفس بأنك ليست لديك مهام متأخره وكذلك راحه العقل من الدوران فى حلقه مالم انجزه او احساسك بأن هناك شىء ناقص

**عمل جدول شهرى بانواع الطبخات للاسره كلها
اكثر ما يضايقنا فى حياتنا السؤال المعتاد
هتاكلوا ايه النهارده؟
والرد الاستفزازى
أى حاجه
ولذلك قومى بعمل جدول شهرى ب 20 طبخه فقط متضمنا نوع الطبخه والاطباق الجانبيه والسلطات ونوع الحلى المقدم فى ذلك اليوم
هترتاحى من وجع القلب وتضييع الوقت والاسره هتتأقلم مع الجدول
احرصى على عدم تكرار اى طبخه طول الشهر والتنويع كل يوم مابين الخضروات والاسماك والمعجنات والبقول

**لتلميع الملاعق والشوك من الاستانلس ستيل وكذلك اى ادوات ستانلس

أغلى ماء وضعيه فى وعاء بلاستيك كبير واضيفى كلوروكس وصابون اطباق عادى وانقعى فيها الادوات
ثم اشطفيها وشوفى اللمعان والنظافه

كل يوم بالليل قبل النوم وخروجك من المطبخ افتحى كل الدرف ودعيها تتنفس حتى الصباح ومن الافضل لو اشعلتى عود بخور صغير بالمطبخ وستلاحظين اختفاء روائح الرطوبه من المطبخ بالداخل تماما

**لو اتحرقت عندك حله ........ضعيها على النار مع ماء وكوب خل ودعيها تغلى ، ستلاحظين انتزاع الطبقه المحترقه تماما

[عاشقة الرسول]

شكرا هاشميتنا على المعلومات يعطيكي العافية

[الشريفة الهاشمية]

الله يعافيك عاشقه

[هداياالأقدار]

مشكورة على الطرح الأكثر من رائع

[ميشو]

المشاركة الأصلية كتبت بواسطة الشريفة الهاشمية

**عمل جدول شهرى بانواع الطبخات للاسره كلها
اكثر ما يضايقنا فى حياتنا السؤال المعتاد
هتاكلوا ايه النهارده؟
والرد الاستفزازى
أى حاجه

هذه معانات زوجتي بالبيت معايا !
كل مرهـ تسئل حابب تاكل ايه ؟
والاجابه : اي حاجه !
وتتضايق ! وتزيد , يعني مافي نفسك حاجه اطبخها لك ! اقول لا والله , وتتضايق كمان وكمان ههههههههههههه ,,, بس لما اقول لها اي حاجه من يدك وفيها نفسك , تضحك ودغري عاالمطبخ .هههههههههههه , وكل مرهـ على هاالمنوال .
هي تقول نفسي يوم تقول عاوز كذا وكذا ؟
وفي يوم اتهورت ارضاء لها ومن منطلق الملاطفة والدعابة ! وقلت عاوز تطبخيلي نفس طبخة أمي !!!( اكلة قديمة ) وخليتها في حيرهـ ! وهي تقول , لا احسن حاجه اروح اطبخلك على كيفي احسن ! ههههههههههه بس تعرفي بعد فترهـ لقيتها عاملة الطبخة ومقدماها لي وهي تقول اكيد الماما احسن مني !!!
بس والله , عن نفسي لا اضع شروط على نوعية الاكل بقدر طريقة تقديمة ان تكون مثاليه . وهذا من وجهة نظري حاجه جميله ومعناها الرضى التام , وعلى قناعة ان ماسوف يقدم سوف يستحوذ على ذوقي بنسبه كبيرة .
اشكرك ياست الكل على نصائحك القيمة .
تحياتي ...

[حفيدة المصطفى]

ومسائك خير عزيزتي ...
اشكرك على ما نقلتيه لنا من نقاط قيمة بارك الله فيك

[الشريفة الهاشمية]

شكرا الكم
وانا نفس الحاجة صرت ابطا اسال زوجي
اطبخ وانا ساكته والحمد لله ينال الرضى منه

بس عارف ولدي غير كل يوم يسالني ايش تبغي تطبخيلنا اليوم ياماما

ويجي من المدرسه ويشوفني في المطبخ ايش طبختي يا ماما
هههههههههههه

[همسة]

معلومات جميله خصوصا الخاصة بتعطير البيت

[لؤلؤة الخليج]

مشكورة الهاشمة عجبتنى كتير الافكار صراحة وغير مكلفة مرة

[*ضوء القمر*]

افكار اكثر من رائعة
يسلمو يالغلا