|
#1
14-02-2009, 11:58 PM
|
|||||
|
|||||
أدخلو وشوفو اش عندي
 أهلا وسهلا يا مرحبا حبيت اليوم أشرفكم في المركب واقدملكم هادي الطبخة فبما إنو الكل يحب الحلى والشوكلاطات ودي الخرابيط حتكون أكلتنا شيز كيك السنكرز هيا أكتبو عندكم المقاديرولا احفضوها زي ما تبغو .... .. بسكوت دجستف Digestive ( بسكوت نخاله ) . 2 ظرف دريم ويب . زبدة نصف كوب حليب ـ و ربع كوب حليب علبتين قشطة . 8 قطع جبن كيري . ليمونه . 6 حبات سنكرز  ..[الطريقهــ،،].. 1- ندَري المقادير وجهزيها عشان الطبخ . 2- كسري البسكوت أو اهرسيه الين مايسير ناعم . حطيه في زبدية وحطي عليه الزبدة.  1- أفركي البسكوت بالزبدة الين ما يختلطو مزبوط . 2- رصي الخليط في الصينية مزبوط ودخليه التلاجة .  دحين نحضر الطبقة البيضا 1- جيبي زبدية عشان تسوي فيها الخلطة وكبي عليها علبتين قشطة . 2- حطي الدريم ويب واخلطي مزبوط بخلاط الكهربا .  1- حطَي نص كاسة حليب ( النص بس ) على الخلطة وكملي الخلط . 2- حطي دحين حبات الجبنة الكيري للخلطة وكملي خلط . لازم حبات الكيري تختفي بالمرة وما يبقالها أسر يعني أخلطي الين ما يجيكي الصمرقع من دوي الخلاط .   1- وانتي بتخلطي أعصري ليمونة في الزبدية طبعا . 2- حطي الخلطة بيطة على قاعدة البسكوت بشويش ( ببطئ ) .  اتأكدي انها اتوزعت مزبوط على السطح بعدين دخليها التلاجه بالقليل ساعه وحدة وازا كترتي يكون احسن . ... في حمام موية دوَبي الزبدة في قدر ( طريقة حمام الموية ) ( حطي قدر فيه مويه على النار وجيبي قدر أصغر منَو وحطَي في الزبدة وخَلي جوة القدر الكبير اللي على النار ) وصلت ؟ ... قطعي اصابع السنكرز و أرميها على الزبدة اللي في حمام الموية + ربع كاسة حليب  اتجانس المزيج مع بعض واصبح مزيج واحد .. طيب دحين شيليه من النار و سيبيه على جنب الين ما يبرد . صبَي الخلطة على الطبقة الفوقانية للتشيز كيك ( الطبقة البيضا ) فاكرتها ؟  بشويش بشويش وبعدين دخليها للتلاجة بالقليل ساعتين   ولا ازهمي على بعلك وقوليلو أنا في المركب عشان يعرف انو متزوج ست بيت  دحين خلصت الساعتين  يللا نخرجها عشان تشوفو الدمار   ها اش رأيكم اليمة صح ؟ هيا سوَوها ولا تنسو تصورولنا هيا وبالصحة والعافية على قلبكم 
|
|
#3
15-02-2009, 01:18 PM
|
|||||
|
|||||
أهلن وسهلن بستي لالا نورتي في المركب هيا اتشمللي سويها وقوليلنا عل طعم أصلو
أنا كنت بدعبس في النت ولقيتها وقلت خليني احطها يمكن تطلع لزيزة وتعجبكم تحياتي يا سكرة 
|
|
#5
15-02-2009, 05:53 PM
|
|||||
|
|||||
|
طيب احد يقول نرسل لكِ
__________________
يارب عسى اللى جآي خير وآلي مضى خيرة الصلاةُ عـــلى رســـول الله شمس لاتغيـــــبُ حاشا يضام من استجار بها وحاشا أن يخيبُ فإن دعوت الله في أمر عصيٍّ أو عصيـــــــبِ فابدأ دعائك واختتمه بالصلاةِ على الحبيــــبِ دروس الروحه على الرابط التالي
|
|
#6
16-02-2009, 06:07 PM
|
||||
|
||||
|
تسلم الايادي حيدة المصطى بجد انا عملتها مرة وطلعت روعه
والكل حبها ربي يسعدك ولا يحرمن منك يا غاليه
__________________
الليل وما ادراك ما الليل الليل معزوفه يسمعها قلبي وتتراقص عليها ادمعي الليل اعتبره حبيبي الذي لا يفارقني فهو الذي يمسح دمعتي ويهدئ من روعي
|
|
#7
18-02-2009, 12:32 AM
|
|||||
|
|||||
|
اقتباس:
وه يا لالا انتي الخير والبركة  بلا بكش شكلك خايفة من العين  تحياتي 
|
|
#8
18-02-2009, 12:38 AM
|
|||||
|
|||||
|
اقتباس:
شكرا لتواجدك
|
|
#9
18-02-2009, 12:46 AM
|
|||||
|
|||||
|
اقتباس:
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
